ജംഉം ഖസ്‌റും

By Hafiz Hasan Basari Ahsani (Khatheeb: Pathanapuram Mahallu Juma Masjid)

രണ്ട് മര്‍ഹല (ഏകദേശം 132 കിലോമീറ്റര്‍) ദൂരത്തേക്ക് യാത്ര പൊകുന്നവര്‍ക്ക് അനുവദിക്കപ്പെട്ട ഇളവുകളാണ് ജം'ഉം ഖസ്റും. നാല് റകഅത്തുള്ള നിസ്കാരം രണ്ടാക്കി ചുരുക്കുന്നതിന് ഖസ്ര്‍ എന്നു ളുഹ്റ്+അസ്‌റ് നിസ്കാരങ്ങളും മഗ്‌രിബ്+ഇശാഅ്‌ നിസ്കാരങ്ങളും രണ്ടാലൊരു നിസ്കാര സമയത്ത് നിസ്കരിക്കുന്നതിന് ജം'അ്‌ എന്നും പറയുന്നു. ജം'ഉം ഖസ്റും ഒരുമിച്ച് ചെയ്യാവുന്നതാണ്.

ഖസ്റില്‍ ശ്രദ്ധിക്കേണ്ടവ:

ഖസ്റാക്കി നിസ്കരിക്കുന്നു എന്ന് നിയ്യത്ത് വെക്കുക. (നിയ്യത്ത് മറന്നാല്‍ പൂര്‍ണ്ണമായി നിസ്കരിക്കേണ്ടി വരും)
പൂര്‍ണ്ണമായി നിസ്കരിക്കുന്നവരോട് തുടരുത്.

മുന്തിച്ചു ജം'അ്‌ ആക്കല്‍

ളുഹ്റ്, അസ്റ് എന്നിവ ളുഹ്റിന്റെ സമയത്തും മഗ്‌രിബ്, ഇശാഅ്‌ എന്നിവ മഗ്രിബിന്റെ സമയത്തും നിര്‍'വ്വഹിക്കുന്നതിനാണ് മുന്തിച്ച് ജം'അ്‌ ആക്കല്‍ എന്ന് പറയുന്നത്.

നിബന്ധനകള്‍

ആദ്യ നിസ്കാരത്തിനിടയില്‍ തൊട്ടടുത്ത നിസ്കാരത്തെ ഇതിലേക്ക് മുന്തിച്ച് ജം'അ്‌ ആക്കുന്നു എന്ന് കരുതുക. (ഉദാ: അസ്വറിനെ ളുഹ്‌റിലേക്ക് മുന്തിച്ചു ജം'അ്‌ ആക്കുമ്പോള്‍ ളുഹ്റിന്റെ തക്ബീറിനേയും സലാം വീട്ടുന്നതിന്റേയും ഇടയില്‍ 'അസ്വ്‌റിനെ മുന്തിച്ചു ജം'അ്‌ ആക്കുന്നു എന്ന് കരുതുക.) നിയ്യത്ത് മറന്നാല്‍ അസ്വ്‌റിനെ അതിന്റെ സമയത്തു തന്നെ നിര്‍'വഹിക്കേണ്ടിവരും; ജം'അ്‌ പാടില്ല.
ക്രമവും തുടര്‍ച്ചയും പാലിക്കുക (ഉദാ: ആദ്യം ളുഹ്‌റ് നിസ്കരിച്ച ഉടനെ തന്നെ ഇഖാമത്ത് കൊടുത്ത് അസ്വ'റും നിസ്കരിക്കുക. ളുഹ്‌റിന് ശേഷമുള്ള ദിക്റ് അസ്വറ് നിസ്കരിച്ച ശേഷം ചൊല്ലാം.)

പിന്തിച്ച് ജം'അ്‌ ആക്കല്‍

ളുഹ്റ്, അസ്വറ് എന്നിവ അസ്വറിന്റെ സമയത്തും മഗ്‌രിബ്, ഇശാഅ്‌ എന്നിവ ഇശാഅ്‌ ന്റെ സമയത്തും നിര്‍'വ്വഹിക്കുന്നതിനാണ് പിന്തിച്ച് ജം'അ്‌ ആക്കല്‍ എന്ന് പറയുന്നത്.

ശ്രദ്ധിക്കേണ്ടത്:

ആദ്യ നിസ്കാരം ഖളാഅ്‌ ആവുന്നതിന്റെ മുമ്പ് ഇതിനെ രണ്ടാം നിസ്കാരത്തിലേക്ക് പിന്തിച്ച് ജം'അ്‌ ആക്കുന്നു എന്ന് കരുതുക. (ഉദാ:മഗ്‌രിബിന്റെ സമയത്ത് ഇങ്ങിനെ കരുതുക: മഗ്'രിബിനെ ഇശാഅ്‌ ലേക്ക് പിന്തിച്ചു ജം'അ്‌ ആക്കുന്നു) നിയ്യത്ത് മറന്നാല്‍ നിസ്കാരം ഖളാഅ്‌ ആകുന്നതാണ്.